A Fundación Estanislao Reverter presente na III Retro Auto&Moto Galicia

A Fundación Estanislao Reverter acudiu cun posto á III Retro Galicia, celebrada os días 15, 16 e 17 de Febreiro de 2013 no Recinto Feiral de Amio en Santiago de Compostela. A entidade organizadora, Eventos do Motor, cedeu o espazo para que a Fundación estivese presente. A feira deste ano foi un éxito de público e o posto da Fundación foi un dos máis visitados. O máis impactante para os afeccionados foron as miniaturas dos coches de Estanislao Reverter, en especial as cinco reproducións do Alpinche realizadas por Parente onde se pode observar as diferentes evolucións do Alpinche. Tamén causo sensación a reprodución tamaño natural en cartón do mítico vehículo. Os visitantes tiveron a oportunidade de ver o estado actual do Alpinche nunha foto mural e os diferentes coches cos que competiu Estanislao. As reproducións dalgún dos regulamentos e mapas itinerarios dos rallyes estiveron presentes nas vitrinas. A Fundación conseguiu coa súa presenza nesta feira achegarse aos afeccionados do mundo dos automóbiles clásicos, dar a coñecer a súa páxina Web e comezar os primeiros pasos dun dos seus obxectivos fundamentais: a restauración do Alpinche.

Fotografías Galería fotográfica