Equipo Reverter Competición

Equipo Reverter Competición

A súa grande afección ao automóbil lévao non só a ser piloto, senón tamén a ser organizador e a crear un equipo propio de competición.

Para iso en 1975 crea Reverter Competición, unha estrutura deportiva con coches de competición, talleres modernos con banco de probas e asistencias especializadas. Usaría inicialmente as dúas unidades BMW 2002 ti e tii que posuía, conseguindo Beny Fernández o subcampionato de España en 1976.

En 1977, ao ser concesionario Ford para a provincia de Ourense, tráese un Ford Escort SR 1800 preparado por David Sutton e mellorado polo propio Lalao, co que Beny Fernández remata subcampión de España e terceiro no Campionato de Europa dese ano.

Ese mesmo ano constrúese unha unidade prototipo a partir dun Festa 1.1 S con motor potenciado conducido por Pío Alonso. Ao ano siguente chegarán os dous Festas 1300 S grupo 2 pilotados por Pablo de Sousa e Pío Alonso. Tamén monta e prepara outros que participarán no trofeo "Primeiro Impacto Festa" promovido polo propio Reverter. Este trofeo e o equipo non serán apoiados por Ford co que se verán abocados á súa desaparición.

Outros pilotos gozaron desta estrutura, como Ventura ou "Peitos".

O equipo sempre levou as cores de Galicia, pintando os coches coa bandeira galega, paseandolos por España e Europa (Francia, Mónaco, Alemaña, Italia, Polonia, Portugal...).